Suriyalı Mikayıl/Mixail (süryanicə. ܡܝܟܐܝܠ ܣܘܪܝܝܐ; ing. Michael the Syrian; rus. Михаил Сириец; d. 1126, Meliten/Malatya, Danişməndli bəyliyi – ö. 1199, Meliten/Malatya, Rum Səlcuqlu Sultanlığı) — süryani əsilli tarixçi, keşiş, 1166–1199–cu illərdə Suriya pravoslav/ortodoks kilsəsinin (ing. Syriac Orthodox Church) patriarxı, orta əsrlərdə süryani dilində yazılmış ən ətraflı “chronicle/salnamə” müəllifi. “Böyük Mikayıl” (süryanicə. ܡܝܟܐܝܠ ܪܒܐ; ing. Michael the Great; rus. Михаил Великий) kimi də tanınır. Salnaməsinin 1887–ci ilə aşkarlanmış (miladi 1598–ci ilə aid) yeganə [Edessa] əlyazması günümüzə gəlib çatmışdır.[1] Müəllif əsəri 1195–ci ildə yekunlaşdırsa da ölümündən sonra qardaşı onun tərcümeyi halını tamamlamış və əsərdəki hadisələrin təsvirini 1195–ci ildən 1199–cu ilədək uzatmışdır. Əsərin əlyazma orjinal süryanicə mətni girişdən, [başlıqlara bölünmüş] 21 “kitab”dan və altı əlavədən ibarətdir, 777 səhifədir. Əlyazmanın bir sürətini əldə edən fransız şərqşünas Jon–Batist Şabo (fr. Jean-Baptiste Chabot; d. 1860 – ö. 1948) onu fransız dilinə tərcümə etmiş, fransızca tərcüməni orjinal mətnlə birlikdə 4 cild şəklində nəşr etdirmişdir: I cild 1899–cu ildə, II cild 1901–ci ildə, III cild 1905–ci ildə, IV cild 1910–cu ildə. İlk üç cild fransızca tərcümə, 4–cü cild isə süryanicə orjinal mətndir.
Beləliklə, “Böyük Mikayıl salnaməsi”, XI kitab, VIII başlıqda yazılıb: