Yaqut əl–Həməvi: Bərşəliyyə — Arranda yer adıdır

1213–cü ildən başlamaqla 16 il müddətində şərq ölkələrinə səyahət etmiş, 1213–1220–ci illərdə həm də Təbriz, Marağa, Urmiya, Əhər, Mərənd, Vəravi, Xoy, Sərab, Ərdəbil, Uşnu və Miyana kimi Azərbaycan şəhərlərini gəzmiş Yaqut əl–Həməvi 1224–1228–ci illərdə qələmə aldığı Mucəm əl–buldan adlı coğrafi lüğətində yazır:

(ar. برشلیّه) Bərşəliyyə — Arranda yer adıdır, Persiya hökmdarlarının səlnamələrində adı çəkilir.[q.1][q.2].

İvan Vasilyeviç Qudoviçin 7 mart 1808–ci il tarixli hesabatı

    General–feldmarşal, qraf İvan Vasilyeviç Qudoviç (d. 1741 — ö. 1820; ukrayın mənşəli “Qudoviçlər” zadəgan sülaləsindən; Gümrü qalası yaxınlığında Arpaçay sahilində 1807–ci ildə baş vermiş “Arpaçay döyüşü”ndə Osmanlı ordusuna qalib gəldikdən sonra generel–feldmarşal rütbəsinə yüksəldildi) [1806–cı ildən 1809–cu ilədək “Gürcüstan və Dağıstandakı qoşunların baş komandanı” oldu] Rusiya İmperiyasının xarici işlər naziri qraf Nikolay Petroviç Rumyantsevə ünvanlanmış yuli təqvimi ilə 7 mart [qriqori təqvimi ilə 19 mart] 1808–ci il tarixli 30 nömrəli hesabatında (rus. «Отношенiе гр. Гудовича къ гр. Румянцову, отъ 7–го марта 1808 года, № 30.») yazıb: