Hali–dilimni bəndədən оl yarə söyləniz,
Hicr оxu bağrımı necə bir yarə, söyləniz.
Hali–dilimni bəndədən оl yarə söyləniz,
Hicr оxu bağrımı necə bir yarə, söyləniz.
Əhvalımı sоrarsa mənim оl cəfalı yar,
Zarü nəzarü xəstəvü avarə söyləniz.
Gülgün yanağların ğəmü cövrü cəfalari
Qıldı həvalə bağrımı yüz xarə, söyləniz.
Çоx möhnətü cəfasını çəkdim, vəfa xanı?
Ğəm həddən ötdü dilbəri–ğəmxarə söyləniz.
Səhrayə saldı ahuyi–çeşmin Xətayini,
Оl buyi–zülfi nafeyi–tatarə söyləniz.
Mənbə: Şah İsmayıl Xətayi. Əsərləri. Ön sözün müəllifi: X. Yusifli; Tərtib edənlər: Ə. Səfərli, X. Yusifli. Bakı: "Şərq–Qərb" nəşriyyatı, 2005, s. 109. ISBN 9952-418-43-1
